സാമ്പത്തിക സാക്ഷരതാ സര്‍ട്ടിഫിക്കറ്റ് കോഴ്‌സ്

 സാമ്പത്തിക സാക്ഷരതാ സര്‍ട്ടിഫിക്കറ്റ് കോഴ്‌സ്

കോവിഡ് പ്രതിസന്ധി കൂടുതല്‍ ബാധിച്ച ഒരു മേഖലയാണ് സാമ്പത്തിക മേഖല. അതുകൊണ്ട് തന്നെ അതില്‍ കൂടുതല്‍ സാക്ഷരത കൈവരിക്കുക എന്ന ലക്ഷ്യവുമായി എന്‍.ഐ.ഐ.ടി. ഫൗണ്ടേഷനുമായി സഹകരിച്ച് 10 മണിക്കൂര്‍ നീണ്ടു നില്‍ക്കുന്ന സാമ്പത്തിക സാക്ഷരത എന്ന സര്‍ട്ടിഫിക്കറ്റ് കോഴ്‌സ് സൃഷ്ടി ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബ് നടത്താന്‍ തീരുമാനിച്ചിരിക്കുന്നു. 

വരുമാനവും ചെലവും സംബന്ധിച്ച ആമുഖം, സമ്പാദ്യത്തിലും അടിസ്ഥാന ബാങ്കിംഗിലും ശ്രദ്ധ കേന്ദ്രീകരിക്കുക, മൊബൈല്‍ അക്കൗണ്ടുകള്‍ / വാലറ്റുകള്‍, വിവേകപൂര്‍ണമായ കടം വാങ്ങല്‍, നിക്ഷേപങ്ങള്‍, ഇന്‍ഷുറന്‍സിനൊപ്പം അപകടസാധ്യതകള്‍ കൈകാര്യം ചെയ്യുക, സാമ്പത്തിക ആസൂത്രണത്തിന് ആമുഖം, ഒരു സാമ്പത്തിക പദ്ധതി സൃഷ്ടിക്കുക, വിഭവങ്ങളെ പിന്തുണയ്ക്കുക എന്നീ വിഷയങ്ങളിലാണ് ക്ലാസ്സുകള്‍ നടക്കുക. നിലവില്‍ ക്ലാസ്സ് പൂര്‍ണ്ണമായും ഓണ്‍ലൈന്‍ വഴിയാണ് സംഘടിപ്പിക്കാന്‍ ആഗ്രഹിക്കുന്നത്. 14 വയസ്സിനു മുകളിലുള്ള ആര്‍ക്കും കോഴ്‌സില്‍ പങ്കെടുക്കാം. താല്‍പ്പര്യമുള്ളവര്‍ പേര്, മേല്‍വിലാസം, ജനന തിയതി, മൊബൈല്‍ നമ്പര്‍, ഇ.മെയില്‍ അഡ്രസ്, ഫോട്ടോ എന്നിവയുള്‍പ്പെടെ നവംബര്‍ 10 നകം srishticlub@gmail.com എന്ന മെയിലില്‍ അയക്കേണ്ടതാണ്. 

ജനറല്‍ സെക്രട്ടറി

സൃഷ്ടി ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബ്, 

അയ്യപ്പ കോംപ്ലക്‌സ്, ചിറ്റിലഞ്ചേരി. 

ഫിറ്റ് ഇന്ത്യാ ഫ്രീഡം റണ്‍..

 

ഫിറ്റ് ഇന്ത്യ ഫ്രീഡം റണ്‍-2020

    കേന്ദ്ര സര്‍ക്കാര്‍ യുവജന കാര്യ കായിക മന്ത്രാലയം, നെഹറു യുവകേന്ദ്ര എന്നിവയുടെ സഹകരണത്തോടെ ദേശീയ കായിക ദിനമായ ആഗസ്റ്റ് 29 ന് കിറ്റ് ഇന്ത്യ ഫ്രീഡം റണ്‍ നടത്തി. കൂടാതെ ക്ലബ്ബംഗങ്ങളുടെ നേതൃത്വത്തില്‍ വീടുകളിലും വിവിധ കായിക അഭ്യാസങ്ങളും നടത്തി. 

    

ചിറ്റില്ലഞ്ചേരിയില്‍ നടന്ന റണ്‍ കോട്ടേക്കുളത്ത് സമാപിച്ചു. തുടര്‍ന്ന് ദേശീയ കായിക ദിനാചരണത്തിന്റെ ഭാഗമായി രാഷ്ട്രപതി അഭിസംബോധന ചെയ്യുന്നത് തല്‍സമയം ക്ലബ്ബില്‍ സജ്ജീകിച്ച ടെലിവിഷനില്‍ കാണുകയും ചെയ്തു. തുടര്‍ന്ന് ഫിറ്റ് ഇന്ത്യ ഫ്രീഡം റണ്ണില്‍ പങ്കെടുത്തവര്‍ക്കുള്ള സര്‍ട്ടിഫിക്കറ്റുകള്‍ ക്ലബ്ബ് പ്രസിഡന്റ് എം.വി.പ്രസാദും, സെക്രട്ടറി എം.മുജീബ് റഹിമാനും ചേര്‍ന്ന് വിതരണം ചെയ്തു.

ഫിറ്റ് ഇന്ത്യ റണ്‍...

ഫിറ്റ് ഇന്ത്യ റണ്‍...

ഫിറ്റ് ഇന്ത്യാ ക്യാമ്പയിന്റെ ഭാഗമായി 

കായിക ദിനത്തിന്റെ ഭാഗമായി

29.08.2020 ശനിയാഴ്ച കാലത്ത് 8 മണിയ്ക്ക്

ചിറ്റിലഞ്ചേരി മുതല്‍ കോട്ടേക്കുളം വരെ

ഫിറ്റ് ഇന്ത്യ റണ്‍ സംഘടിപ്പിക്കുന്നു.

കോവിഡ് മാനദണ്ഡങ്ങള്‍ നിലനില്‍ക്കുന്നതിനാല്‍

മുന്‍കൂട്ടി രജിസ്റ്റര്‍ ചെയ്യുന്നവര്‍ക്ക് മാത്രമാണ് പങ്കാളിത്തം 

നല്‍കുക.

 

വേണം-നാടന്‍ പച്ചക്കറികള്‍

                 സമ്പൂര്‍ണ്ണ അടച്ചിടലിന്റെ ഭാഗമായി നമ്മുടെ പ്രദേശത്തെ മിക്ക വീടുകളിലും പച്ചക്കറി കൃഷി നടത്തിവരുന്നുണ്ടെന്നത് സന്തോഷകരമായ കാര്യമാണ്.      ചിലയിടങ്ങളില്‍ വീട്ടാവശ്യത്തിന് പുറമെ കൂടുതല്‍ പച്ചക്കറികള്‍ വിളവെടുക്കുന്നുണ്ട്. ഈ രീതിയില്‍ നമ്മുടെ പ്രദേശത്ത വീടുകളില്‍ കൃഷി ചെയ്യുന്ന എല്ലാ പച്ചക്കറി ഉല്‍പ്പന്നങ്ങളും ചിറ്റില്ലഞ്ചേരി സൃഷ്ടി ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബിന്റെ നേതൃത്വത്തില്‍ സംഭരിക്കുന്നതാണ്.         പഴം, പച്ചക്കറികള്‍, തുടങ്ങിയവ വീട്ടാവശ്യത്തിന് പുറമെ നല്‍കാന്‍ ആഗ്രഹിക്കുന്നവര്‍9446728038, 9037533030 
എന്നീ നമ്പറുകള്‍ ബന്ധപ്പെടേണ്ടതാണ്.

ജനറല്‍ സെക്രട്ടറി

https://www.facebook.com/SrishtiClub

കൈകോര്‍ക്കണം നന്മയുടെ കൈതാങ്ങായി.

പ്രിയ സുഹൃത്തേ

പാലക്കാട് ജില്ലയിലെ സാമൂഹ്യ സന്നദ്ധ സേവന, പരിസ്ഥിതി പ്രവര്‍ത്തനങ്ങളില്‍ സ്തുത്യര്‍ഹമായ പ്രവര്‍ത്തനങ്ങള്‍ നടത്തിവരുന്ന ചിറ്റിലഞ്ചേരി കേന്ദ്രമായി പ്രവര്‍ത്തിക്കുന്ന സംഘടനയാണ് സൃഷ്ടി ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബ്.

കോവിഡ്-19 എന്ന മഹാമാരിയുടെ ഈ സന്നിദ്ഗ ഘട്ടത്തില്‍ ഈ വര്‍ഷത്തെ വിദ്യാഭ്യാസ പ്രവര്‍ത്തനങ്ങള്‍ പൂര്‍ണ്ണമായും ഓണ്‍ലൈനായി മാറിയിരിക്കുകയാണ്. അതുകൊണ്ട് തന്നെ വിദ്യാര്‍ഥികള്‍ വീട്ടിലും, പൊതു സ്ഥലങ്ങളിലും ഒരുക്കിയിട്ടുള്ള പഠന സൗകര്യങ്ങള്‍ ഉപയോഗിച്ച് പഠനം ആരംഭിച്ചു കഴിഞ്ഞു. ഇനിയും ഓണ്‍ലൈന്‍ പഠനം നടത്താന്‍ കഴിയാത്തവര്‍ക്കായി ക്ലബ്ബിലുള്ള ടെലിവിഷന്‍ സൗകര്യം പ്രയോജനപ്പെടുത്താന്‍ അവരമൊരുക്കിയിട്ടുണ്ട്. 

കൂടാതെ് ക്ലബ്ബിന്റെ നേതൃത്വത്തില്‍ നിരാലംഭരായ രോഗികളുടെ മക്കള്‍ക്കും, നിര്‍ധന കുടുംബാംഗങ്ങളിലുളളവരുടെ മക്കള്‍ക്കും ഈ വര്‍ഷവും  സൗജന്യമായി പഠനോപകരണങ്ങള്‍ വിതരണം ചെയ്യുന്നു. തിരഞ്ഞെടുക്കുന്ന 50 പേര്‍ക്കാണ് സൗജന്യമായി പഠനോപകരണങ്ങള്‍(നോട്ടുപുസ്തകം, പേന) വിതരണം ചെയ്യാനാണ് ശ്രമിക്കുന്നത്. ഈ സദുദ്യമത്തില്‍ സഹകരിക്കാന്‍ സന്മനസ്സുള്ളവര്‍ പങ്കാളിയാവണമെന്ന് അഭ്യര്‍ത്ഥിക്കുന്നു.

സാമ്പത്തിക സഹായങ്ങള്‍ ചിറ്റില്ലഞ്ചേരി അയ്യപ്പകോംപ്ലക്സില്‍ പ്രവര്‍ത്തിക്കുന്ന സൃഷ്ടി ക്ലബ്ബ് ഓഫീസില്‍ നേരിട്ടോ, 

ചിറ്റില്ലഞ്ചേരി കനാറ ബാങ്ക് ശാഖയിലെ 
അക്കൗണ്ട് നമ്പര്‍ 0744101016764 
(IFSC CNRB0000744) എന്നതിലോ, 
നല്‍കാവുന്നതാണ്.


സഹകരണം പ്രതീക്ഷിച്ചുകൊണ്ട്

ജനറല്‍ സെക്രട്ടറി
സൃഷ്ടി ആര്‍ട്സ് ആന്റ് സ്പോര്‍ട്സ് ക്ലബ്ബ്
അയ്യപ്പ കോംപ്ലക്സ്, ഗ്രൗണ്ട് ഫ്ളോര്‍,
ചിറ്റില്ലഞ്ചേരി. പി.ഒ. പാലക്കാട്
Mob: 9446728038, 9037533030
www.srishticlub.blogspot.com

FIT INDIA CYCLE RALLY 2020

ഫിറ്റ് ഇന്ത്യ സൈക്കിള്‍ റാലി

ഫിറ്റ് ഇന്ത്യ സൈക്കിള്‍ ഡേയുടെ ഭാഗമായി ഭാരത സര്‍ക്കാര്‍ യുവജന കാര്യ കായിക മന്ത്രാലയം, നെഹ്‌റു യുവകേന്ദ്രയും, ചിറ്റിലഞ്ചേരി സൃഷ്ടി ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബും ചേര്‍ന്ന് ഫിറ്റ് ഇന്ത്യ സൈക്കിള്‍ റാലി നടത്തി. നെന്മാറ ബ്ലോക്ക് പഞ്ചായത്ത് പ്രസിഡന്റ് പി.വി.രാമകൃഷ്ണന്‍ റാലി ഉദ്ഘാടനം ചെയ്തു. സൃഷ്ടി ക്ലബ്ബ് പ്രസിഡന്റ് എം.വി.പ്രസാദ് അധ്യക്ഷനായി. എം.മുജീബ് റഹിമാന്‍, എം.സുകുമാരന്‍, നെഹ്‌റു യുവകേന്ദ്ര വൊളണ്ടിയര്‍ കിരണ്‍, സുഭാഷ്, എം.രവി, ഹരിനാരായണന്‍, കൃഷ്ണദാസ്, എസ്.എം.സുര്‍ജിത്ത് തുടങ്ങിയവര്‍ നേതൃത്വം നല്‍കി.